يمكن تنعاد ويمكن لا .. ! نمر بمواقف وذكريات صعب ان نحن ننساها , نتذكرها ونبتسم لكن في نفس الوقت دموعنا على خدنا , نبتسم لانها كانت ايام حلوة وما تعوض ولا تنعاد , لمة ربع ضحكات الاهل وسوالفهم , نتذكر كل اللي كان يصير بينا وبين شخص حبيناه من كل قلبنا , واشخاص كان وجودهم في حياتنا سعادة , لكن !! بعدتنا عنهم الايام , كانت اوقات وايام حلوة , ودك لو انها ترجع دقايق عشان تعيش لحضتها , ودك لو تعرف وقت الفراق مع هذاك الانسان اللي حبيته عشان قبل موعد الفراق تخبره كل اللي بخاطرك , نغمض عينك وترد تفتحها تلاقي دموعك على خدك تدري ليش ؟ لانك عارف ان مستحيل ترجع ذيك الايام , واذا رديتوا وجتمعتوا مع كل اصدقائكم بتلقى شخص واحد مب موجود اكيد اللمة ما بتكون حلوة , واذا كنت قاعد مع الاهل وشخص كانت معاه القعدة حلوه وهو مب موجود بتحس ان مكانه فاضي راح تفتقد سوالفه وضحكته , اما اذا شفت شخص غريب ما تعرفه ولا يعرفك , لكن ذكرك بتصرفات ذاك اللي راح وغاب عن دنيتك اكيد ما راح تلاقي كلمات تعبر عن اللي بداخلك غير دموعك .. نصيحة مني اجتمعوا مع اللي تحبون طلعوا اللي بخاطركم اضحكوا مع بعض لا تاخذون بخاطركم من حد .. لان يمكن اي اليوم اللي ما تلاقيه ف دنيتك وتندم ع اللي صار ..